الشرطه فى خدمه الشعب ( قانون ساكسونيا )

[ريم]

والله العظيم ده حرام
بس اللى حصل ده مش هيعدى على خير
الرحمه فين معقوله البشر معدش فى قلوبهم رحمه
المخبرين دول فاكرين نفسهم مين ..ده كل واحد منهم فاكر نفسه وزير
قتلوه من غير ذنب ..انا نفسى اعرف ذنبه ايه
ده لو تاجر مخدرات مكنش اتعمل معاه كده
ده شاب يعينى

الف رحمه عليك يا خالد

[farisel7ob]

يا جماعه انا مش بتكلم عن خالد بعينه انا بتكلم عن اللى حصل عموما واللى بيحصل واللى هيحصل معانا كلنا ممكن كل واحد فينا يحصل ليه كدا

وانا قبل كدا حصلى كدا بس لانى اعرف حد فى وقتها والظابط اتأسف ليه قدام الكل

انا بتكلم على هيئه المفروض بتحميها بقت هى اللى بتعذب فينا هنجيب منين ناس تسمعنا وتحمينا هنجيب منين هيئه تدافع عنا

شوفوا الفيديو دا كدا وانتوا تعرفوا الشرطه بتعمل فينا ايه حتى لو مش قدام عيونا اول ما الواحد بيدخل المركز بيخرج على نقاله



طيب هنعمل ايه ولحد امته هنسكت ولحد امته هنقول فى ناس كويسين طيب دا الكويسين يتعدوا على الصوابع
حاول بقى كدا تعد الوحشين والله ما هتقدر تعدهم من كترهم

[SoMeOnE]

الصوره التانيه هى صوره خالد بس بعد تشريح الجثه
ودى اماكن الخياطه بعد التشريح ولازم يبقى فيه فرق بين الحياه وبين جثه شخص ربنا يرحمه ويغفرله
بس سبعه وتسعين ف الميه دى صورته ....

وبردو عشان ابقى محايد ....
الشعب اللى انا منه وخصوصا جمعيات حقوق الانسان استغلوها اسوأ استغلال
وكله بيتلكك ...عشان نشيل نظام لازم يبقى مكانه نظام اخر كامل (احلال وتجديد )
انما يا ريت يحصل تغيير درجات ..مش نصحى نلاقى نفسنا ف الجنه

[SoMeOnE]

Seela
لو واحد فى الشارع اتمسك بسلاح ابيض ماينفعش افتش الضابط والاقى فى جيبه مطوه
هنا بأه مستحيل لانك مش هاتقدر تفتش الضابط
>>>>>>
هنا بقى انعدام الثقه ...المفروض انا عرفت ان ده ظابط افترض انه كويس وانه هيقوم بعمله كويس لحد ما يحصل العكس

يعنى مثال بسيط لو فى كليه
وانا داخل الكليه بالقى تلاته عساكر عالصبح مجرد ما يشوف الكارنيه بيدخلنى الكليه
انما هو لو عاوز يتأكد المفروض يعملى امتحان ف المواد بتاعت الكليه ويسألنى رايح فين وجاى منين
انما الكارنيه معناه انى طالب معاه ف الكليه لحد ما يثبت انى مش طالب فيها ( ومزور الكارنيه)


الفراغ مزدوج ....
اولا الظابط مجرد ما شافنى معتبرنى حرامى لحد ما اثبتله ان انا انسان محترم
وثانيا انا (كمواطن يعنى ) معتبره ظابط بلطجى وبيتلككلى لحد ما يعاملنى كويس

المفروض يحصل العكس
ف مره كنت ف عربيه ف المواصلات كان جنبى ست كبيره ف سن امى ونزلت قبلى ونسيت شنطه بتاعتها وكان معاها ابنها اكبر منى فانا اخدت الشنطه ومشيت وراها بناديلها بقولها لو سمحتى على اساس انها توقف وتكلمنى
بصلتلى بزهق وقالتلى عاوز ايه؟؟؟ تقريبا حست انى جاى اشحت او اعاكس وابنها ...شمر دراعاته
مجرد ما قولتها اتفضلى وافتكرت الشنطه بتاعتها
اتغير الحال تماما اعتذار و دعتلى و ملامحها والله بجد فرقت جدا جدا وابتسمت على الموقف
وكمان اديتنى خمسه جنيه......هههههههههه

المشكله احنا بنفترض ف الناس الاسوأ .....وده بسبب الظروف واللى احتنا بنشوفه طول النهار

[SoMeOnE]

كنت مره رايح الامتحان متأخر كنت خارج من البيت الساعه 2.30 بالليل وكان فى اليوم دا الجو شبوره جدا وكنا بنحاول نوقف عربيه

ووقف لينا عربيه شرطه تخيل ايه رد الفعل من الظابط هاتوا العيال دى بيقول للعساكر كلنا طبعا جرينا لان هنعمل ايه وورانا امتحان طبعا اللى حصل اللى هو الباقى انا حكيته ليك بلاش هنا علشان محدش يضحك كتير

ماشى يا عم بس انا هاضحك براحتى هههههههههههههه
طب انت ليه جريت ما دمت مش بتعمل حاجه غلط
انا كنت مره رايح لبابى الشغل ( حلوه بابى دى) المهم المكان هناك كان معمول عليه كاردون محترم وفيه ظباط بالهبل لظروف نقل مساجين وكدا المهم انا قولت هارنله وهو ينزلى انا مش طالع
انا لو كلت المين وطلعتله مش هيعرفنى ..المهم قولت هتشجع وقربت وانا بترعش ونسيت اشيل السماعات من ودانى هههههههه وقفنى ظابط وواحد تانى رتبته اعلى ...على فين قولتله داخل المكان ...ليه ...رايح لفلان الفلانى ...السبب ..انا ابنه وهنروح مع بعض ( طبعا عشان مدفعشى اجره ) ..قالى اتفضل . وبس يا سيدى

ممكن لو مجريتوش ووقفتو وعرف الظروف اللى انتو فيها كان وصلكو
ومكانشى كمان حصل لكو اللى انت مش عاوز تحكيه هههههههههه
معلشى طولت
واسف لو ضحكى ضايقك ده هزار
تحياتى

[ortiga]

السلام عليكم
الموضوع جميل ومعظم الردود جميله
ممكن ردى انا بقى
دلوقتى فى حاجه كده اسمها حكومه يعنى ايه حكومه معناها بتحافظ على الدوله معناها الحق والعدل
كويس لحد كده
لما وزير يكون بيهرب مخدرات حد يقدر يعملوا حاجه لا يا عم الحج ده معاها حصانه منقدرش نكلمه
لو فى مواطن غلبان اتخد حقه من واحد واصل فى البلد وراح عمل محضر واول ما الظابط يسمع اسم يقولوا انتا عبيط ولا ايه عايزنى اعمل محضر لواحد مهم فى الدوله
ده بيطلق عليه لقب ....................
حكومه ايه بس دى والله العظيم القسم عندنا كله بيشرب حشيش كله مفيش حد ميشربش
لو انتا مخنوق من واحد تروح لظابط وتديلوا قرشين يطلعلك عينه من بره كده من غير ذنب
ملحوظه اى كلمه انا كتبته مش من دماغى لا والله كل ده انا بشوفوا على طول
نكمل بقى
تعالى كده لو انتا دخلت قسم الشرطه وانتا محترم ممكن تخرج وانتا محترم برضه
تعالى كده
لما تعمل مخالفه وعسكرى المرور ممكن يجى يبتسم فى وشك وايديك مخالفه بكل احترام ولا هيقعد يشتم ويزلك ويقوالك تدفع كام وتعدى من غير مخالفه
تعالى كده
خش مطار ممكن ظابط الامن يفتشك بأحترام ويفتش الشنط بتاعتك بأحترام ويرجعه بأحترام مستحيل طبعا
تعالى كده
لو فى تحقيق مع متهم ممكن يتحقق معاها عادى كده ولا يتروق الاول من غير ما حتى ينطق كلمه وبعدين يخش يتظبط وينطق
طيب هيحصل حاجه لو الحكومه سالته الاول
تعالى كده
دلوقتى ممكن مواطن عادى يتخانق مع ظابط شرطه ويضربه بعض كمان
قانون اسمه تزعلنى ازعلك تضربنى اضربك
ممكن نقول الشرطه بتقتل فى الشعب مش فى خدمته
بصراحه مش عارف اقول ايه اكيد كل للى فى المنتدى عرفين الحكومه وعرفين الشعب والفرق بينهما
وللى عايز يعرف حال مصر
يتفرج على فيلم عسل اسود والله انا مش بهظر بجد ده حال مصر حاليا
سلام عليكم

[seela]

انا مع فارس فى كلامه
وبعدين يا صم ون كويس اوى لما الواحد يبوص لنوص الكوبايله المليان
ده اسميه تفاؤل
بس مش كويس خالص انى اسكت عن حقى
وانى اعمل نفسى عاميه عن حق اهلى ونفسى
ومازلت اكرر كلامى
كل حاجه فى البلد تقبل انها تحوى الحلو والوحش الااااااااااااااااااا السلطه
ولو مره حصلت وجات غلط وحد فيها طلع مش كويس
على طول يتشال
ده لو عايزين نبقى الصح
والقانون يتفرض على كله
وبعدين ايه حكاية الثقه دى؟؟؟؟
انا عمرى ماجه فى دماغى ان فى حاجه اسمها ديموقراطيه اصلا علشان يكون فى ثقه
ولو هاتكلم عن خالد يبقى كل اللى هاقوله
ان القاااانون مايديش لشويه مخبرين ولا حتى رئيس الجمهوريه حق فى ضرب مواطن
مابالك بأه لما يضربووه لحد ما يموتوووووه
انا مش فاهمه انتو بتجادلو فايه
الحكومه حلوة؟؟؟؟؟
الشرطه حلوةة؟؟؟؟؟
يا سيدى الشرطه جميله بس فى شغلها واحترامها للناس وانها تأدى واجبها كويس وبنزاهه
مش ضرب واهانه وموت
فين هنا بأه النزاهه
خالد مواطن مصرى قبل مايكون بتاع مخدرات ده لو كان اصلا تاجر مخدرات زى مابيقولو
وبعدين يا صم ماينفعش اكون محترمه والضابط يجى يتعامل معايه كحراميه علشان يثبت انى مش حراميه
لان فى حاجه اسمها
المتهم برىء حتى تثبت ادانته
وانا وغيرى كمواطن مصرى زى ما بحترم الشرطه فمن حقها انها تحترمنى
ومش الصح انهم يجبرو احترامهم على اى مواطن مصرى بالضرب والاهانه دى كلها
فى حاجه اسمها القاااانون القاااااااانون هو اللى يحكم
مش شوية بلطجيييييه
ولو كان خالد ده تاجر مخدرات يبقى كان اكرمله واكرم لاى مواطن مصرى انه يتعدم لو كان فعلا تاجر مخدرات مش شوية تهم تتلفأ لناس مظلومه وخلاص

[SoMeOnE]

بسم الله الرحمن الرحيم الاول
انا مقولتش ان حد مش يسيب حقه لا انا برفض ان حد يتهاون فى حقه او حق اهله او غيرهم لاى سبب غير انه يسامح ويغفر ودى ترجع ليه مش غصب عنه
مقصدتش اقول كدا خالص والله

الموضوع بدأ بان فيه اعتداء من الشرطه بطريقه همجيه ومرفوضه وجاهله كلنا بنرفضها .....بعدها زادت شويه بأن دى مش حاله فرديه وانها مجموعه احداث وتيار العنف موجود وبصوره كبيره فى الشرطه وتعاملهم مع المواطنين اللى انا منهم انا مش ظابط بوليس ....وبعدها قلبت كلام اسود وخلاص الشرطه كلها كدا ومفيش احترام خالص ولا فيه اى حاجه كله غلط ف غلط حتى محدش حط نسبه ان ممكن يكون فيه ناس بتشوف شغلها حتى زى ما قال احساس كان الاعتراض عليه لانه قال ان فيه كدا وفيه كدا ...

وموضوع خالد انا رافض اسلوب الضرب واللى غلط يتعاقب .....بس شوفى التناقض بين الحكومه والشعب وكل واحد رايه زى القران بالنسباله لا تغيير فيه وواحد شمال والتانى يمين
الحكومه بتقول تاجر مخدرات وخرج من الجيش بسبب المخدرات والناس بتقول انه شهيد وانه كان هيبلغ عن الظباط فقتلوه ....وانا مقولتش انه مجرم انا قولت ضربه غلط ...وهو غلطان ولا لا انا معرفش لانى معنديش معلومه

وبمقصدتش ان الشرطه جميله وحلوه انا قولت المفترض انها مؤسسه مظبوطه ...تضم بشر قد يخطئو و تتباين شخصياتهم وهى ككل مؤسسات الدوله فيها فساد مش صغير لانى مش عايش ف حته تانيه
وزى ما قولتى السلطه لا تقبل الفساد موافق على ده

وعلى فكره انا مقصدتش ان الظباط بيتعاملو مع الناس كحراميه
انا قصدى لو احنا ( افترضنا ) ان كل الشرطه وحشين
هما كمان (هيفترضو ) ان كل الشعب حرامى .....والحالتين غلط

لكن هى عامله زى سيب وانا سيب
احنا مش شايفين ديموقراطيه ......يبقى مش هنثق فيهم
وهما عارفين ان احنا مش واثقين فيهم ..فمفيش ديموقراطيه

وطول ما احنا رافضين الوضع الحالى وكلنا عاوزين نتغير ونغير اللى حوالينا اكيد التغيير جاى جاى
طولت معلش
واسف لو موضحتش كلامى كويس
ويكون وضح دلوقتى

[farisel7ob]

يعنى يا سم عايزنا نعمل ايه واحنا فى نص الليل وعربيه بوكس وقفت قدامنا وبتقول هتوهم على بقى ما تشرح ليهم وتفهمهم هيكون الامتحان ضاع منك دا انت مش لبست حاجه زى ما بيعملوا تقفيل محاضر يعنى

اقولك على حاجه حلوه اوى انا كنت فى بنها امبارح انا ووالدى وكنا راكبين العربيه المهم الاشاره قفلت وكان فى واحد جمبنا فى عربيه اجره ومعاه واحده تعبانه جدا وبيقول للعسكرى لو سمحت معانا حد تعبان يعنى ممكن تفتح لينا الاشاره قاله استنى شويه وشد معاه فى الكلام فى وقتها جت عربيه تانيه بتاعت لواء فى الجيش العسكرى اول ما شافه ساب مكان الخدمه وجرى عليه وازيك يا باشا وبعدها افتح يا ابنى السكه بسرعه ويقول اى خدمه يا باشا احنا تحت امرك والنبى دا تعمل فيه ايه ؟؟؟؟

انا مش بتكلم على شخص بعينه انا بتكلم على مجتمع كامل مجتمع كرامته كل يوم والتانى بتنهان اكتر من الاول

مجتمع لو فضل فى الصمت اللى هو فيه يبقى لو مات اهون ليه

مجتمع كل يوم بينسلب منه حقه وبيتهان يوم بعد يوم اكتر من اليوم اللى قبله

اقولك على حاجه حلوه اوى الدوره اللى فاتت بتاعت انتخابات الريس لما الريس عدل فى الدستور علشان يمسك تانى مين كان منافس ليه نقول تقريبا ايمن نور ايه اللى حصل ليه

فورا اعتقل وطلع انه عميل مع امريكيا وبدل ما كانت صورته حلوه بقت بسم الله زى الزفت قدام الناس كلها فى منهم اللى قال دا خاين وصدق وفى اللى عارف ان دا حوار عليه
وطلع اوراق من جيش وداخليه وامن دوله انه خاين

طيب لو هو خاين ليه طلع من السجن بعد ما الانتخابات عدته بفتره

طيب مثل بسيط جدا عن حد كان عايش فى وسطتنا كلنا فى منها اللى يعرفه وفى منا اللى مش يعرفه

حسن التهامى سالم اللى هو كان وزير واللى مسك الحكم 24 ساعه واللى كان نائب الرئيس واللى بعدها اول ما الرئيس حسنى مبارك بقى رئيس حدد اقامته فورا فى بيته ممنوع انه يخرج لحد ما يموت تخيل هو ليه اتعمل فيه كدا وليه اتحدد اقامته وليه كان ممنوع انه يعمل اى لقاء صحفى ايا كان نوعه الحدق يفهم بقى !!!!!!؟؟؟؟

انا مش هطول عليكم بس كل اللى عايز اقوله لحد امته هنفضل راضين بالذل دا كله لحد امته هنفضل نركع ونقول حاضر نعم احنا تحت امركم اللى انتوا شايفينوا اعملوه
لحد امته صوتنا دا هيفضل محبوس فينا ومرعوبين نخرجه لحد امته لحد امت لحد امته

انا تعبت بجد من اللى شوفته واللى عرفته وما بالكم وانا لسه لم ابلغ من العمر مثلا 25 ما بالكم الذى عمره 50 او 60 دول بقى المفروض يروحوا يموتوا نفسهم

حرام عايزين نعمل حاجه مره واحده فى حياتنا صح عايزين نقول للظلم لاء

على فكره كل دا هنتحاسب عليه ان كان من حاكم او محكومين لان فى ايد المحكومين انهم يغيروا الحاكم عارفين ليه لان غضب الشعب مستحيل ان يوقفه اى قوه فى اى دوله

انا نفسى فى يوم انام واصحى الاقى امه بدل ما كل واحد فيهم بيقول يلا نفسى عايز اعيش يبقى الكل ايد واحده يا نغيرها ونرجع كرمتنا يا نموت ونبقا موتنا بكرمتنا

[farisel7ob]

طيب شوفوا الفيديو دا

ومن رجال الشرطه

طيب نعمل ايه بقى اهو اتكلم بحترام وكل حاجه يعملوا ايه اكتر من كدا




مستنى ردكم والتعليق